कसम

कविता गोबिन्दिसंह रावत April 13, 2008, 1:37 pm

---

कस्सम
सत्ते धरोधर्म तिम्रो मासु खाने
तिमी असाद्धै राम्री छौं
भगवान कसम  ईश्वरले नासै गरुन 
तिमीलाई म असाद्धै मन पराउछु
आमा कसम झुठो बोले हैजा लागोस 
तिमी बिना म बाँच्नै सक्दिन
मरी जाउँ ढाटे आजको रात काट्न न पाउँ
तिमी मेरो जीवनको पहिलो र अन्तिम प्रेम हौं
आपुनै रगत खानॆ यो आगोले भष्म पारोस
तिमीलाई रानी बनाएर राखुला
कुकुरको मासु खाने  नासै भई जाउँ
तिमीलाई पाइन भने म डुबेर मर्छु 
विद्या कसम मैले ढाटेको हैन     
तिमीलाई न पाए अर्को मैया खोज्न थाल्छु
अनि झुठो कसम खाएर साँचो माया लाउँछु
सत्ते धरोधर्म तिम्रो रगत खाने ढाट्या हैन
कस्सम
             टोरोन्टो, क्यानडा

लेखकका अन्य रचना पढ्न यहाँ क्लिक गर्नुहोस ।