गीत

गीत सुरेन्द्र महर्जन अमर March 13, 2014, 5:17 pm

---

यो मन किन हो कुन्नी हरपल हाँस्न खोज्छ

बगेको नदी फर्किन्न आशैमा बाँच्न खोज्छ ।

मेरो भन्नु आशै जिन्दगी एक्लै बाँच्ने चाह

साथ कोही भेट्दिन कसलाई पोखूँ बह,

उदास जीवन रङिन होश सपनी देख्ने गर्छ

बगेको नदी फर्किन्न आशैमा बाँच्न खोज्छ ।

बिर्सूँ भन्छु बितेका दिन सम्झना आउँछ

मनमा मात्रै हैन याद छायाँ बनी आउँछ,

याद जिन्दगी भो मुटुमा बास बस्ने गर्छ

बगेको नदी फर्किन्न आशैमा बाँच्न खोज्छ ।

काठमाडौं

लेखकका अन्य रचना पढ्न यहाँ क्लिक गर्नुहोस ।