कविताको आतङ्क

कविता गाेपाल देवान April 11, 2014, 8:23 pm

---

फेरि पनि

नचाहदा नचाहदै

कविता

कालो झण्डा बोकेर/हातमा/

ओर्लिएकी छिन्/सडकमा/

आफ्नो सूर्यास्था षड्यन्त्रपूर्वक

‘क्रुसेड’ गरिएकोविरुद्ध,

अहिले

सडकमा कविताको आतङ्क छ

र/सरकार शहरमा कफ्र्यू लगाउने

कुरा सोचिरहेको छ !!

कविता सौन्दर्यवती छिन्

नौनीझैँ÷कोमल पनिं

तर कहिलेकाहिँ

उनी उग्रचण्डी

बन्ने गर्छिन्

आफ्नो निर्बन्ध भावनाको यात्रा

‘ट्राफिक कन्ट्रोल’ गरिएकोविरुद्ध,

अहिले

सडकमा कविताको आतङ्क छ

र/सरकार शहरमा कफ्र्यू लगाउने

कुरा सोचिरहेको छ !!

कविता सरल छिन्

महझैँ÷सरस पनि

तर कहिलेकाहिँ

उनी विद्रोही बन्ने गर्छिन्

आफ्नो स्फटिक अस्मिता ‘सेन्सर’द्वारा

बलात्कार गरिएकोविरुद्ध,

अहिले

सडकमा कविताको आतङ्क छ

र/सरकार कवितालाई गिरफ्तार गर्ने

कुरा सोचिरहेको छ !!

धरान

लेखकका अन्य रचना पढ्न यहाँ क्लिक गर्नुहोस ।