17 वर्षदेखि निरन्तर
समकालीन साहित्य

कवि मित्र

कविता ओमप्रसाद घायल April 18, 2014, 2:57 pm
ओमप्रसाद घायल
ओमप्रसाद घायल

अस्ति भर्खर जस्तो लाग्छ

तिमीले कविता लेख्न थालेको

साहित्यको खुल्ला बजारमा

फेरि पनि लोकापर्ण गरेछौ

अर्को नयाँ किताव

कवि मित्र

तिमीलाई साधुबाद †

मैले सर्सर्ती हेरेँ तिम्रो नयाँ किताव

तिम्रो किताव भन्दा पनि सुन्दर थियो

तिम्रो कितावी गाता

त्यस भन्दा पनि सुन्दर थियो

तिम्रो रङ्गिन फोटो

र अझै त्यस भन्दा पनि सुन्दर थिए

तिम्रो कितावमा तिम्रा प्रकाशित कृतिहरुको सूची

र तिमी संलग्न वायोडाटा ।

कवि मित्र †

एक भेटमा तिमीले भन्दै थियौ मलाई

‘तिमीले किन छाड्यौ कविता लेख्न ?’

ठीकै हो तिम्रो बुझाई

तिमीले जस्तो महङ्गो गाता राखेर

एउटा मात्र पनि किताव ल्याउन सकेको छैन बजारमा ।

कवि मित्र

मेरो कवि संवेदनाभित्र

‘फाटिरहेको छ मेरा ‘बा’ को कछाड

धूजा–धूजा भएको छ मेरी आमाको गून्यू

र गरिवीको थाङ्नामूनि

गुटमुटिएका छन् मेरा पारिवारिक जीजिविषाहरु ।’

यस्तो गरिवीको घातक महामारीभित्र

म कसरी प्रकाशन गर्न सकुँला

आफ्ना कितावहरु ?

र तिमीलेजस्तो प्रत्येक महिना

लोकापर्ण गरुला आफ्नो ‘बायोडाटा’

अँ साँच्ची

अस्तिमात्र एउटा तारे होटलमा

तिमीले आफ्नो कविताको एकल साँझ ग¥यौ रे

तिम्रा निम्तारु पाहुनाहरु

वर्णन गर्दै थिए तिम्रो स्वागत गाथा

धेरै भव्य र सम्भ्रान्त थियो रे

तिम्रो कविता साँझ

अति स्वादिस्ट थियो रे त्यो ‘चिकेन फ्राई’

र वेहद आनन्दित थियो रे

त्यो विदशी ‘ह्स्किी’

कवि मित्र †

हिजो आज जताततै तिम्रो प्रशंसा छ

र यो साहित्यको खुल्ला बजारमा

तिम्रो मान मनितो पनि छ ।

तर आजकल मत

तिम्रो मात्रै एक असल पाठक भएको छु

तर कवि मित्र

आजकल खर्कको माथि

गाई चराउँदै साहित्यको साधनामा तल्लील

नवदेवकोटाहरुको चर्चा बजारमा गुमनाम छ ।

आजकलका पाखण्डी समालोचकहरु पनि

‘ह्स्किी’ र ‘व्राण्डी’को स्वादमा

तिमीहरुकै ‘भजनमण्डली’ मा सामेल भएर

अन्धप्रशंसामा अभ्यस्त देखिन्छन् ।

कवि मित्र

यतिखेर टेलिभिजनमा आउने

सस्तो चाउचाउको विज्ञापन

र आजकलको कविता मलाई उस्तै–उस्तै लाग्छ ।

सायद यस्तो पनि हुनसक्छ ..

म कवि नभएर यो कविता बुझिरहेको छैन् ।

बलेवा, बागलुङ

लेखकका अन्य रचना पढ्न यहाँ क्लिक गर्नुहोस ।