14 वर्ष देखी निरन्तर
समकालीन साहित्य

निषेधको जङ्गलमा

कविता महेश प्रसाईं May 11, 2014, 3:06 pm

पार्थ,

तिमी आफ्नो

कुण्ठित चिन्तनको

रणनीतिद्वारा

द्वन्द्व र युद्ध,

हिंसा र आतङ्क,

ईष्र्या र कपट, आदिआदि

विरूप नृशंस

क्रूर–काँतर

शब्दका लेपनहरूले

यो महान् राष्ट्रको

अस्वाभाविक परिभाषा

गरिरहेका छौ,

यी स्वाधीन जनताको

अमाङ्गलिक परिचय

कोरिरहेका छौं,

निषेधको जङ्गलमा

धान उम्रिँदैन,

गहुँ–मकै

कोदो–फापर

जुनेलो–कागुनो

र तेलहन नाम गरेको

कुनै अन्न फल्दैन,

सावधान

जडाउरीमा

भिरेछौ कोट,

बक्रममा,

अब गुलाफको कुनै रङ

चढ्न सक्तैन ।

लेखकका अन्य रचना पढ्न यहाँ क्लिक गर्नुहोस ।