19 वर्षदेखि निरन्तर
समकालीन साहित्य
समकालीन साहित्य
हरेक दिन आँसको धारा
अविरल रुपमा वहेको छ ।
विधुवा र टुहुराहरुको संख्या पनि
हरेक दिन बढ्दै गईरहेको छ ।
तर रगतको खोलो नदेखेका
अग्रगामी राष्ट्रसेवकहरु
हरेक दिन विदेशबाट
दुई जना नेपालीको
मुर्दा फर्काउँदै गर्दा
कत्ति पनि ससङ्कित देखिदैन ।
किनकी, उसले देखेको छ
हरेक दिन दुई वटा मुर्दा
फर्काइदैमा
विदेश जाने युवाहरुको लक्कर घट्नेवाला छैन ।
उसले स्वदेशभित्र विप्रेषण भित्रेको मात्र देखेको छ ।
राष्ट्रवादी भन्ने नेताहरु
ओठे संस्कृति मात्र पछ्याएका छन् ।
कथित राष्ट्रवादी नारा
घन्काउने नेताहरु विदेशी भूमिमा
एउटी नेपाली नारीले
आफ्नो अस्मिता गुमाउँदै गर्दा
ऊ आफ्नी आमा र छोरीहरु
नेपाली नारी हुन भनी सोच्न सक्दैन ।
किनकी, उसले आफ्नी आमा र छोरीहरु
बलत्कृत भएको देखेको छैन ।
उसका छोराहरु विदेशबाट
मुर्दा बनेर फर्काइएका छैनन् ।
कथित राष्ट्रवादको नाममा
उनीहरु ओठे संस्कृतिमात्र अनुसरण गर्दैछन् ।
उनीहरु आत्माभित्रबाट
राष्ट्रवादी नेता देखिदैनन् ।