14 वर्ष देखी निरन्तर
समकालीन साहित्य

जागिर

लघुकथा विजय सागर June 26, 2014, 3:47 am

ताराप्रसाद भण्डारी मित्र कृष्णबहादुर के.सी.को साथ पवनमा चिया पिउँदै थिए ।

एउटा जोडी पवनको काउण्टरमा देखा परे । केही अर्डर गरे । ठूला ठूला ७।८ मिठाईका वट्टाहरु झुण्ड्याएर फर्के ।

ताराप्रसाद त्यस जोडीलाई अपलक हेरि रहेको देखेर कृष्णबहादुरले सोधे – को हुन र तिनीहरु ?

पहिला मेरो घरमा डेरा गरी बस्थे – ताराप्रसादले जवाफ दिए ।

अनि ? – कृष्णबहादुरले पूनः प्रश्न गरे ।

अहिले आफ्नै तीन तले घरमा बस्छन् – ताराप्रसादले जवाफ फर्काए ।

सुनका व्यापारी हुन ? – कृष्णबहादुरले सोधे ।

हैन ! हैन ! – ताराप्रसादले भने – जागिर खान्छन् ।

कहाँ खान्छन् त जागिर ? – कृष्णबहादुरले अचम्म मान्दै सोधे ।

आयल निगममा ! – ताराप्रसादले जवाफ दिए ।

भैरहवा

लेखकका अन्य रचना पढ्न यहाँ क्लिक गर्नुहोस ।