गजल

गजल प्रिन्स प्रकाश September 27, 2014, 11:06 pm

---

म जस्तै थियो बेकसुर ऊ पनि

म जस्तै थियो मजदुर ऊ पनि

देश, परिवार के के मात्र सोचोस्

दोधारमा थियो जरूर ऊ पनि

छोडेन कहिल्यै समस्याहरूले

समाधान खोज्न मजबुर ऊ पनि

टाउको ठोकेर मन्दिरहरूमा

तिरिरहन्थ्यो रे दस्तुर ऊ पनि

गुनासो थियो देउताहरूसित

किन मान्छे जस्तै निठूर ऊ पनि

कलम लिएर युद्ध गर्छु भन्दै

आएको थियो ए! हजुर ऊ पनि

काँडाघारी, गोठाटार

लेखकका अन्य रचना पढ्न यहाँ क्लिक गर्नुहोस ।