18 वर्षदेखि निरन्तर
समकालीन साहित्य
समकालीन साहित्य
फाँटैभरी मार्सीधान र जेठोबुढो झुल्दा,
रुँदैहोलिन् बहिनी मेरी, सयपत्री फुल्दा ।
सयौ सपना बिर्सिएर यौटा सपना बुन्दै,
प्रवासमै बिते बर्ष बिरही गीत सुन्दै ।
देउसीभैलो तीज-तिहार दाजुभाइले भुल्दा,
रुँदैहोलिन् बहिनी मेरी, सयपत्री फुल्दा ।
फेवाताल, रूपा अनि गर्दै बेगनास ,
जिन्दगी यो सधैंभरि हुन्न एकैनास ।
कोट्बारीको कुनाबाट माछापुछ्रे खुल्दा
रुँदैहोलिन् बहिनी मेरी, सयपत्री फुल्दा ।