16 वर्षदेखि निरन्तर
समकालीन साहित्य
समकालीन साहित्य
धेरै कुरा ग¥यौ तिम्ले
अब नयाँ काम गर ।
जनजनका हृदयमा
विश्वासका वीउ छर ।
दीगो संविधान बनाएर
लोकतन्त्रलाई उपहार देऊ ।
ह्रास भएको आफ्नो पुरानो
बाँकी इज्जत अब फिर्ता लेऊ ।
फेरि फेरि ढाँट्यौ भने
इमान–जमान खाग हुन्छ ।
घुमिफिरी आउँछ चुनाव
जमानत पत्तासाफ हुन्छ ।
अरू देश कहाँकहाँ पुगे
उठे, हिँडे र दौडिए ।
विकासका गति छाम्दै
सागर–सागर पौडिए ।
अब पनि भुल्याएर
जनतालाई तिमी
गर्छु राज भन्छौ भने
झर्दै जान्छौ तिमी ।
असिनाले होइन अब
पसिनाले देश बनाऊ ।
फुटाएर हुन्न बाबै !
एकतामा जनता जुटाऊ ।
विश्वग्राम संसारमा
नेपाल त्यस्तो देश बनाऊँ ।
सबै जाति अटाएर फूलबारी सजाऊँ ।।