18 वर्षदेखि निरन्तर
समकालीन साहित्य
समकालीन साहित्य
हामी सबै
थाह नभई जन्मिएका नदी हौँ ।
आफ्ना पाखुरा फैलाउँदै दौडीहिँड्ने
किनार अनिश्चित भएका नदी ।
नदी जो छिनछिनमा अडिँदै तरङ्गित हुँदै
जीवनलाई हेरिरहन्छ ।
नदी जो केही थाहा पाएर वा नपाईकनै
उम्किरहन्छ, फाल हानिरहन्छ ।
हामी अनेक थोक र जीवनलाई
आपसमा बाँध्ने नदी हौँ।
सँधैभरि पुल मुनि बगेर
आफ्ना दुःखहरू पखाल्ने नदी हौँ ।
ढाढस मात्रका भरमा तर्न नसक्ने गरी फैलिएका
रुन नसक्ने गरी भिजेका
हामी डोरी झैँ बाटिएका नदीहरू हौँ ।
(जर्मनीसं.रा. अमेरिका)
(मूल जर्मनबाट कवि स्वयम्ले गरेको अङ्ग्रेजी अनुवादबाट सुमन पोखरेलद्वारा अनुदित)