बाडुलीको देश डुल्दै डुल्दै कहाँ पुग्नु छ
सपनीको रछ्यानमा शिर ढल्काउनु छ
आँतको मानिस फेला परयो बल्लतल्ल
आजको सुनसान रात उसैलाई सुम्पिनु छ
न रिस छ न राग छ मुटुभित्र कतै सास छ
लामो बाटो रोज्दै छोटो जीवन हिंडाउनु छ
पर्खाल ठाडो उकालो यहाँ उक्लिनै गाह्रो छ
आँटको पहाड बोकेर अब अघि लम्किनु छ
साउती गरे आँसुले यहाँ खल्तीमा रुमाल छ
परेली यहाँ भिज्दैन अब सुकाउने आँगन छ
चुल्ठोले उसको वास मागे हात मेरो पसार्छु
सुकौरो लागे हृदयमा उसको पानी छम्किनु छ
तेजपुर, असम (भारत)