17 वर्षदेखि निरन्तर
समकालीन साहित्य
समकालीन साहित्य
विकृत समय, विथोलिएको जिन्दगी, आत्तिएको छ यो मन
साना मसिना आशाका तान्द्राहरुमै झुण्डीरहेछ यो जीवन
चक्कर काट्दै यो स्वार्थी शहरमा दुखेको छु आज
ठक्कर खाँदै जाली मान्छेहरुसंग झुकेको छु आज
खडेरीको रापमा शितल खोज्दै गलिरहेको छ यो तन
साना मसिना आशाका तान्द्राहरुमै झुण्डीरहेछ यो जीवन
विकृत समय, विथोलिएको जिन्दगी, आत्तिएको छ यो मन
निसासिएको स्वाश छ , रोग छ, शोक र प्यास छ
दबेको आवाजले कसलाई सुनाउँ केही आश छ
सपनाहरु साँचु वा फालिदिउँ हे दैव यो तँनै भन
साना मसिना आशाका तान्द्राहरुमै झुण्डीरहेछ यो जीवन
विकृत समय, विथोलिएको जिन्दगी, आत्तिएको छ यो मन