14 वर्ष देखी निरन्तर
समकालीन साहित्य

तिब्बत

अनुवाद उदय प्रकाश November 2, 2015, 2:10 am

तिब्बतबाट आएका

लामाहरू

घुमिरहन्छन् अचेल

मन्त्र गुन्नुनाउँदै ।

तिनका खच्चरका झुन्डहरू

बगैँचामा पस्दछन्, तर

खाँदैनन् सयपत्रीका बिरुवाहरू ।

सयपत्रीको एउटा थुङगामा

कति फूल हुन्छन्

पापा ?

तिब्बतमा बर्खा भएको बेलामा

हाम्रोमा कुन मौषम हुन्छ ?

तिब्बतमा तीन बजेको बेला

हाम्रोमा कति बजेको हुन्छ ?

तिब्बतमा

सयपत्रीका फूल

हुन्छन् कि हुँदैनन् पापा ?

लामाले शङ्ख बजाउँछन्, पापा ?

पापा, लामाहरूलाई

ओढ्ने ओढेर

अँध्यारामा

छिटोछिटो हिँड्दै गरेको देख्नु भएको छ

कहिल्यै ?

कुनै मान्छे मर्‍यो भने

त्यसको चिहानको वरिपरि

शिर झुकाएर

उभिन्छन् लामाहरू ।

तिनीहरू मन्त्र पढ्दैनन्

खुस्खुसाउँछन् तिनीहरू... तिब्बत

... तिब्बत ...

तिब्बत - तिब्बत

... तिब्बत - तिब्बत - तिब्बत

तिब्बत - तिब्बत ...

... तिब्बत ...

... तिब्बत - तिब्बत

तिब्बत ........

र रोइरहन्छन्

रातभरि ।

के लामा पनि

हामी जसरी नै

रुन्छन्

पापा ?

(भारत)

(मूल हिन्दीबाट सुमन पोखरेलद्वारा अनुदित)

लेखकका अन्य रचना पढ्न यहाँ क्लिक गर्नुहोस ।