19 वर्षदेखि निरन्तर
समकालीन साहित्य
समकालीन साहित्य
बैभव चोर्न आएको होइन
न तिमीलाई बराल्न आएको !
म त पेरिसको
बैभव सुँघ्न आएको
विकास हेर्न आएको
सौन्दर्य प्युन आएको
मोनालिसासँग बात मार्न आएको
मसँग किन ततर्किएकी तिमी ?
म अङ्ग्रेज होइन
मैले पनि कनिकुथी अङ्ग्रजी सिकेर आएको
(सदा त नेपाली नै बोल्छु)
बाटो भुलेपछि
के गरुँ त तिमीलाई नसोधेर ?
अघि नै भनेँ नि
म तिमीलाई बराल्न आएको होइन
म तिम्रो भाषा बिटुल्याउन आएको होइन
म तिम्रो भाषाको गुबो मार्न आएको होइन
(हाम्रोमा त्यस्ता आउँछन्)
किन ततर्किएकी तिमी ?
किन मौन बसेकी
के के भनेर
मलाई आँखा तर्दै हिँडेकी ?