19 वर्षदेखि निरन्तर
समकालीन साहित्य
समकालीन साहित्य
मित्रै मित्रको रङ्गीन दुनियाँको माझमा
नेपालको सुन्दर मानव चित्र चाहन्छु
मित्रै मित्रले भरिएको सुन्दर साँझमा
एउटा आत्मीय मित्र चाहन्छु
चहना छ त्यस्तो मित्रको
मेरो सुखमा हर्षित हुने
मेरो दुःख देखेर उसको चित्त रुने
मित्रता मै रमाएर सपनासरह बुन्ने ।
मित्र मेरो होस् यस्तो
मित्रतामै संसार समेट्ने
मन दुखाएर कसैलाई पनि नहेप्ने ।
तर भित्रभित्रै डरएको छ यो कमजोर मन
गुलाफ टिप्न खोज्दा कतै काँडामा पर्ने त होइन
यो तन मित्रताको फूल खोज्दा कतै
माटोमा गाडिएर रहने त होइन ?
आजकाल कागहरू बकुल्लाको भेषमा घुम्छन् रे !
जहाँतहीँ जताततै विश्वासघाती हुन्छन् रे !
त्यसैले त कहिलेकाहीँ झस्कने गर्छु
कहाँ मेरो आसपास कागहरू त छैनन् ।