14 वर्ष देखी निरन्तर
समकालीन साहित्य

गजल

गजल भाष्कर काजी December 24, 2015, 2:11 pm

क्वार्टर होइन पुरा चलाएपछि

को हुन्छ होसमा सुरा चलाएपछि

सम्झाइ मान्दैन, धम्काइ हुँदैन

दुःख त पाइन्छ नि भुरा चलाएपछि

मान्छेले त मान्छे चिन्दैन मान्छे अब

के को गुनासो? छुरा चलाएपछि

हिट्लरको मनले पनि थात छोड्छ

तिम्ले एक्छिन चुरा चलाएपछि

मर्छु होला जस्तो लाग्छ मलार्इ

तिम्रो अन्तै बिहेको कुरा चलाएपछि

रुँघा-७, रुकुम

लेखकका अन्य रचना पढ्न यहाँ क्लिक गर्नुहोस ।