18 वर्षदेखि निरन्तर
समकालीन साहित्य
समकालीन साहित्य
जिन्दगीले पछार्यो हजुर, कुन लहरा समाइ उठूँ
एैँसेलु भै कोतर्यो हजुर, के सहारा बनाइ छुटूँ@!
केही मीठो फलको अपेक्ष्या जाग्यो, स्वादैले म खरिएछु
दबदबे धाप रैछ यात्रा मेरो, अचम्मैले म पुरिएछु
परिवेशले लछार्यो हजुर , कुन पहरा समाइ उठूँ
एैँसेलु भै कोतर्यो हजुर, के सहारा बनाइ छुटूँ !!
केही अनौठो कृति लालित्य रच्यो, शिल्पैले म भरिएछु
भुसभुसे राप रैछ भाषा मेरो, घृणैले म छरिएछु
अपवादले बजार्यो हजुर, कुन चहारा समाइ उठूँ
एैँसेलु भै कोतर्यो हजुर, के सहारा बनाइ छुटूँ