19 वर्षदेखि निरन्तर
समकालीन साहित्य
समकालीन साहित्य
हाँस्नेहरू हाँसिरहे, रुने रुदैछन्,
दुखीहरू अझै दुखी, दुखी हुँदैछन् ।
रात बित्यो, दिन गयो, दशा फेरिएन ,
कोही भने पातालदेखि आकाश छुदैछन ।
भाग्य लेख्ने को छ कुन्नि, न्याय दिने को छ ?
बर्षौंदेखि पिसिएका यहाँ खुदै छन् ।
"हाम्रा" भए पुग्ने सबै, "राम्रा" कसले खोज्ने,
श्रमजीवी आँसु पिउंदै गाला धुँदैछन् ।
विभेदको पर्खाल आजै ढाल्छु भन्नेहरू,
पर्खाल भेटी अझै अग्लो पर्खाल हुँदैछन् ।
क्यालगरी, क्यानाडा