19 वर्षदेखि निरन्तर
समकालीन साहित्य
समकालीन साहित्य
तर्किएर हिन्छेउ सानु अलि नजिक सरेकै बेस!
डाह गर्छ बैरी दुनियाँ चिम्टी सिन्दूर छरेकै बेस!
नदेख्दैमा एकैछिन छट्पटाउछेउ रे त्यसैत्यसै
सुर्ता हो कि माया मेरो अलिअली गरेकै बेस !
मनमा भए मेरो माया देखाइ राख्न पर्दैन भो
मुटुभित्रै फुल तिमी बहिर आखाँ तरेकै बेस !
तिमी रुँदा रुने संसार तिमीसँगै हाँस्छ सानु
मेरो संसार मुस्कान तिम्रो ओठमा सधै भरेकै बेस
टोलाउदै बेलाबेला हराउछौ रे कताकता
बाआमालाई हाम्रो शंका थोरैथोरै परेकै बेस !