14 वर्ष देखी निरन्तर
समकालीन साहित्य

गीत

गीत होम सुवेदी March 18, 2016, 4:35 am

यिनको माया तराजुमा जोखौं जोखौं जस्तो

यिनैमाथि मनको माया पोखूँ पोखूँ जस्तो

मानौ हुने यिनै भित्र हराएको जस्तो ।।

माया गर्न थाले पछि हुन्छ कस्तो कस्तो

किन होला यिनीहरु मायाँ लुकाएर

आँसु झार्छन् आफैंलाई कतै हराएर

थाहै छैन मेरै पनि मन लोलाउँदैछ ।

मायालुलाई किन किन मनले बोलाउँदैछ ।।

लुकी लुकी आँखाबाट आँसु झारेका छन्

देखे पनि नदेखेझैं भन्ने पारेका छन्

एकान्तमा पिरतीका भाका हाली हाली

मायालुका साथ आफ्नै किन हारेका छन् ?

किन होला एकै शब्द बोल्न लजाएका ?

किन होला माया जति भित्रै पचाएका ?

चाबी भए खोल्नु हुन्थ्यो यिनको माया हेर्न

ताल्चा मारि राख्या होला यिनले माया केर्न ?

लेखकका अन्य रचना पढ्न यहाँ क्लिक गर्नुहोस ।