19 वर्षदेखि निरन्तर
समकालीन साहित्य
समकालीन साहित्य
गोली
आखिर किन चल्छ
मिठो निद्रा झस्काउँदै
रतिक्रिया विथोल्दै
रगताम्मे पारेर रातहरु
गोली
यमराज महाँकाल
भोक भन्दा विशाल
उठ्नैपर्ने थाकेका हारेका
आत्मसमर्पणका हातहरु
गोली
नङ्गाइ दिन्छ
रचना र सिर्जना
प्रफुल्ल कस्तो पुरुषार्थ
ङि्च्च दु:शासन दाँतहरु
गोली
शान्ति बाँड्छु भन्छ
बलत्कार गर्दै प्रेमपूर्वक
हाडछालाका शरीरलाई
गाँसवास छिनाइ आतहरु
गोली
विज्ञान हो मान्नै पर्ने
क्रान्ति हो जाग्नै पर्ने
नेपालआमाको छातिमाथि
बुट बजार्दै लातहरु ।
लस् एन्जेलस्