गीत

गीत ऋषि बस्ताकोटी May 20, 2016, 3:16 am

---

सम्झनाले सताउँछ, पोल्छ देब्रे छाती,

एक्लेबरको चखेवा झैँ हुन्छु दिन राति

बगैचामा फुल्छन् फूल, छैनन् मेरा लागि

कल्पनाका खुशीहरू जान्छन्, भागीभागी

फर्किएर आए हुन्थ्यो, तर्किएर जाने

उधाराको बाचा-कसम अझै कति खाने

बेरुजु भो संधै जीवन हिसाव नमिलेर

तिम्रो मनको अदालतमा निसाफ नमिलेर

न्याय दिने न्यायमुर्ति फर्की आए हुन्थ्यो

चरी बस्ने मनको डाली थाहा पाए हुन्थ्यो

लेखकका अन्य रचना पढ्न यहाँ क्लिक गर्नुहोस ।