19 वर्षदेखि निरन्तर
समकालीन साहित्य
समकालीन साहित्य
एक-
कुरा कहाँबाट केभनी कोट्याऊ
मनमनै मनपराएकी मेरी मोना?
ल म यसै भनिदिन्छु तिमीलाई।
गाउँमा सँगै खेल्थ्यौं हामी
उकाली-ओराली कति सँगै हिँड्यौं पनि
सायद तिमीले बिर्सिसक्यौ
गाउँ आजभोलि शून्य-शून्य लाग्छ तिमीबिना
मेरी मोना तिमीलाई त खबर पनि छैनहोला।
तिमी त आजभोलि...
व्यस्त शहरमा व्यस्त छौ’रे
चिल्ला कारमा हिँड़छ्यौ’रे
मखमलयुक्त कुर्सीमा बस्छ्यौ’रे
आजभोलि ‘लोरियल’-को लालि चढेको सुन्छु
तिम्रो रूपमा ‘ऐस्वर्य’-कै जस्तो
छक्क पर्छु मोना, मेरी मोनै हो तिमी?
दुई
‘'ग्लोबलाइजेशन’ हुँदैछ भन्छन् आज
संसार '‘ग्लोबल भिलेज’ बन्दैछ’रे।
'‘ग्रिन रिभोल्युशन’-को कुनै ‘'इफ्याक्ट’ नपरेरै हो कि!
‘'ग्लोबल वार्मिङ’-को प्रभाव हाम्रो गाउँले पनि झेल्नु पर्छ’रे।
दिल्ली, कोलकाता र मुम्बईको '‘हट टेम्परेचर’
यतै भोग्न पर्ने दिन आउँदैछ पनि भन्छन्।
मेरी मोना! '‘ग्लोबल वार्मिङ’-को हावाले कतै
तिमीलाई पनि '‘हट टेम्परेचर’-मा पार्यो कि...
आजभोलि '‘फेसबुक’-मा ‘'अनलाइन’ पनि भेट्दिन
तिम्रो '‘प्रोफाइल’ पनि अप्डेट गरेकी छैनौ।
किन हो, तिम्रा कुनै सुन्दर तस्बीरलाई पनि
आजभोलि कसैले '‘लाइक’ गरेका छैनन्।
नयाँ ‘एकाउण्ट’-बाट '‘फ्रेण्ड एड’ गरेको थिएँ
‘'कन्फर्म’ गर्नेसम्म समय पाइनौ सायद।
तीन-
आज-भोलि '‘ग्लोबल वार्मिङ’-को हावाले
गाउँमा '‘हट टेम्परेचर’ सिर्जना गर्न थालेको सुन्छु
'‘ग्रिन रिभोल्युशन’-का लागि लगाइएका बिरुवाहरू
गाउँमा मर्दैछन् प्रतिदिन यहाँ
साँच्चै संसार '‘ग्लोबल भिलेज’ बन्दै त रै’छ
गाउँ बुढ़ाहरू, तन्नेरी-तरूनी सबै भेला गरी
समयमै सचेत गराउनु पर्छ, होसियार गाउँ...
‘'हट टेम्परेचर’-ले गाउँलाई पनि ब्यस्त बनाउन सक्छ।