14 वर्ष देखी निरन्तर
समकालीन साहित्य

गीत

गीत सन्तोष लामिछाने June 15, 2016, 1:40 pm
सन्तोष लामिछाने
सन्तोष लामिछाने

भुवा झैँ उडिरहे आकाशलाई छुन सकिन

तिमी मेरो हुन सकिनौ म कसैको हुन सकिन

सँगैहुँदा कयौं पल्ट हाँसखेल पनि गरेकै हो

कतै जाँदा धेरैपल्ट बाटो एउटै परेकै हो

अन्तिम पल्ट बिदा हुँदा आघातले रुन सकिन

तिमी मेरो हुन सकिनौ म कसैको हुन सकिन

आफैभित्र टुक्रिएर फैलदै गएछु

नबग्ने पोखरी झैँ मैलदै गएछु

खोलाले झैँ आफूले आफैलाई धुन सकिन

तिमी मेरो हुन सकिनौ म कसैको हुन सकिन

भुवा झैँ उडिरहे आकाशलाई छुन सकिन

तिमी मेरो हुन सकिनौ म कसैको हुन सकिन

लेखकका अन्य रचना पढ्न यहाँ क्लिक गर्नुहोस ।