18 वर्षदेखि निरन्तर
समकालीन साहित्य
समकालीन साहित्य
ए आमा नेपाल तिमीलाई, काटेर टुक्रा पार्दैछन् ।
बेइमानी छोरा जन्माईछौ, विस्तारै सिमाना तार्दैछन् ।।
अरुका छोरा हेर त, विकाश तिर ढल्केका ।
यी तिम्रा छोरा हेर त, मागेर खान पल्केका ।।
नामर्द छोरा जन्माईछौ, भिक मागेर खाँदैछन् ।
देशको ढुकुटी मास्दैछन्, पागल जस्तै नाच्दैछन् ।।
भाइ भाइमा झगडा गर्दैछन् ओरालो तिर झार्दैछन् ।
ए आमा नेपाल तिमीलाई काटेर टुक्रा पार्दैछन् ।।
देशको विकाश कहाँ हो कहाँ कुर्सिका लागी उफ्रिन्छन् ।
आमाको छातीमा टेकेर साँढे जस्तै डुक्रिन्छन् ।।
ए आमा नेपाल, तिमीलाई, काटेर टुक्रा पार्दैछन् ।
वेइमानी छोरा जन्माइछौ, विस्तारै सिमाना तार्दैछन् ।।
बमले खनेका गहिरा घाऊ, आमाको छातीमा ताजै छन् ।
सहिदको रगत खाँदैछन्, वर्वादी तिर लाँदैछन् ।।
ए आमा नेपाल तिमीलाई, काटेर टुक्रा पार्दैछन् ।
वेइमानी छोरा जन्माइछौ विस्तारै सिमाना तार्दैछन् ।।