गीत

गीत कविता पौडेल September 16, 2016, 1:41 am

---

वर्ष दिनको तीज पनि आयो वरै घुमेर

माइती देश जान नपाई गयो उमेर

के छ आमा, रम्म झम्म यो पालाको तीजमा

लिन पनि पठाइनौ परें पीरमा ।

विहान जान्छु घाँस आमा रानी बन्को पाखामा

दुःखी गीत गाउँछु आमा न्याउली भाकामा

कैले जान्छु बेंसी म त कैले जान्छु पँधेरो

बाबा आमा सम्झेर मनै अँधेरो ।

पापीले सुमेरुले छेको मेरो माइतीलाई

गररर पहिराले लैजा सलल

यो खोलीले नछेके त भैया लिन आउँदा हुन्

सासुजीले पठाए त जान पाउँदी हुम्

कति पीर छ नी आमा मन्मा छैन चयन

कती गरु मेरी आमा घरको बयान ।

छाती पोल्छ मेरी आमा यो मनको बहले

आइज लैजा माथीवाट खोली खहरे ।

रुनेरामने को छ मेरो कस्को मन दुख्ला ?

बाढी आइज माथिवाट खोली खहरे ।

लेखकका अन्य रचना पढ्न यहाँ क्लिक गर्नुहोस ।