15 वर्ष देखी निरन्तर
समकालीन साहित्य

गजल

गजल भुपेन्द्र महत July 6, 2008, 4:06 am

सांझको बेला हाबा मन्द मन्द थियो
तिम्रो केश खेल्दै हाबा बुलन्द थियो

मादक हेराइ पोखियो सुस्त सुस्त
आहा ! त्यो क्षण कती आनन्द थियो

मधुर मुस्कान सजियो ओठभरी
लागथ्यो हासोमा पनि छन्द थियो

प्रकृतिको अनुपम स्रीजना कस्तो
उड्यो मन फर्कन बाटो बन्द थियो

नजिक के बढेथे तिमी बाटो लाग्यौ
हाबामा अझै नि तिम्रो सुगन्ध थियो

कोलोराडो

लेखकका अन्य रचना पढ्न यहाँ क्लिक गर्नुहोस ।