14 वर्ष देखी निरन्तर
समकालीन साहित्य

देश दुखिरहेको छ

कविता ॠतु आसीक December 23, 2016, 8:41 am
ॠतु आसीक
ॠतु आसीक

देश दुखिरहेको छ

आफ्mन्तको पीडाबाट

भित्र–भित्रबाट देश दुखिरहेको छ

सयकडाैं वीभिषणहरु

यसबेला देश गिजोलिरहेका छन्

स्वार्थमा फगत स्वार्थमा

देशलाई पीडा थोपरिरहेका छन् ।

स्वार्थको परकाष्टा नाघिसकेको छ

आमालाई पोइलको बात लगाएर

छोराको भेषमा कुपुत्रहरु

कति सहजै आमा बेचिरहेका छन्

यसबेला देश दुखेको छ

कतै पहाड दुखेको छ

कतै हिमाल दुखेको छ

कतै मधेश दुखेको छ

यसबेला देश दुखेर भक्कानिँदैछ

पीडै पीडामा देश थला परेको छ ।

जात जातिको यो फुलबारी

सयकडाैं सालदेखि

यो स्वतन्त्र अटलतामा उभिएको थियो

बुद्धम् शरणम् गच्छामीका ऋचाहरु

मानव जातिका लागि

शान्तिका नरसिङहरु बजाउँदै

उज्यालोका सन्देशहरु

यसै माटो हुँदै प्रज्ज्वलित भएको थियो

हो ! भरखरै जस्तो लाग्छ

हो ! देश दुखिरहेको छ

आफन्तकै पीडबाट

सयकडांै वीभिषणहरु

देश गिजोलिरहेका छन्

स्वार्थमा फगत स्वार्थमा

देश गिजोलिरहेका छन् ।

लेखकका अन्य रचना पढ्न यहाँ क्लिक गर्नुहोस ।