19 वर्षदेखि निरन्तर
समकालीन साहित्य
समकालीन साहित्य
भावना शैलको माथझैं उच्च छ
साधना वीरको देशझैं उच्च छ ।
देशले वीरको गर्छ सम्बर्धन
देशको स्वार्थमा थाप्छ ऊ गर्धन ।।१
साधकी साहसी जिन्दगी चुन्दछ
सिंहका चालको भावना उन्दछ ।
सृष्टिकै उच्च हुन् दृष्टिका गायक
वीर हुन् देशको मुक्तिका नायक ।।२
लालसा दासता हुन्न क्यै आँतमा
उष्णता रक्तमा हुन्छ त्यो आँटमा ।
झड्कने गर्दछन् जोसका पाखुरी
सिर्जना सीपका बन्दछन् सारथी ।।३
सत्रुका माझमा काल हूँ ठान्दछ
देशको लागि ऊ ढाल हूँ जान्दछ
युद्ध वा मृत्युको सामना गर्दछ
जीतमा जिन्दगी हारमा स्वर्ग छ ।।४
गौरबै ठान्दछन् प्रेमको बन्धन
जीवमा जातिमा मोहको स्पन्धन
शान्तिका सार हुन् विश्वका एकल
हेपिए जाग्दछन् बाघभै बेगल ।।५
(स्रग्विणी)
दमक