14 वर्ष देखी निरन्तर
समकालीन साहित्य

नयाँ भविष्यका आधारहरू

कविता बैद्यनाथ उपाध्याय June 9, 2017, 3:31 pm
बैद्यनाथ उपाध्याय
बैद्यनाथ उपाध्याय

भोलि व्यूँझदा

म अर्कै देहमा

जीवनको नयाँ पडावको

शुरुवात गर्दै गरेको

हुनसक्छु।

धेरै भयो पीडा सहेको

यो देहमा

तर मलाई

अति निर्धो न सम्झ

भोलि

अर्कै जुनीमा

नौलो आश र उद्यम जुटाएर

म नौलो शुरुवातको

जग बसाउँदै गरेको हुनेछु।

कालो पाटीमा

लेखिएका अक्षरहरू

मेटाएसरि

मेटाउनेछु पीर व्यथाका

जम्मै यादहरू

भोलि उदाउने त्यो दिनको

चौडा निधारभरि

कोर्नेछु आफैं

भविष्यका नयाँ आधारहरू।

लेखकका अन्य रचना पढ्न यहाँ क्लिक गर्नुहोस ।