19 वर्षदेखि निरन्तर
समकालीन साहित्य
समकालीन साहित्य
के भएन जिन्दगीमा, धेरै कुरा जोडेको छु ।
ओछ्याएर सिंगै धर्ति, पूरै आकाश ओढेको छु ।
कहिले फूल फुल्यो यता, कहिले झारै फुल्यो,
अध्यारोमा झार भन्दै, कैयौं फूल गोड़ेको छु ।
उकालो नि हिंडे धेरै, ओरालो नि झरें उस्तै,
गन्तव्यमै पुग्न लाग्दा, कति पाइला मोडेको छु ।
तिमीलाई ढाट्या भए, आफैँ भन्न नपाउँ,
आफ्नै बाचा-कसम भने, घरी घरी तोडेको छु ।
हिसाव पछि गरौंला नि, अहिले यत्ति भैगो,
के के पाउन जिन्दगीमा, कता के के छोडेको छु ।