14 वर्ष देखी निरन्तर
समकालीन साहित्य

ग्रयाण्ड क्यानियन

कविता नम्रता गुरागाईं June 26, 2017, 12:42 am
नम्रता गुरागाईं
नम्रता गुरागाईं

खोंचभित्रको अर्को खोंच

खुट्टा कमाउदै आंखाले भ्याएसम्म भित्र हेर्ने

सबैको एउटै सोच

थरथराएको खुट्टालाइ आंखाले डोरयाएजस्तो

सोन्दर्य हराएका डांडाहरु आंखैमा बिझाएजस्तो

पातालै पातालको संगम जस्तो

खै कस्तो कस्तो ग्रयाण्ड क्यानियन ।

हरियाली छाम्न परे जासुवाको वोट

मरुभूमीको अर्को ठाउं छाम्न परे त्यही जासुवाको वोट

सुख्खा हुरीबाट घाटा त उसले सहेकै छ रातदिन

तर

नाफाको जिन्दगी उभ्याएकैमा जासुवाले गर्व गरेजस्तो

खै कस्तो कस्तो ग्रयाण्ड क्यानियन ।

स्थीर जनजीवनमा हरियालीको गति हारेजस्तो

जीतको चिठ्ठा त अर्कैतिर परेछ

मात्र हारैहारको गांठो परेजस्तो

नपुगुन्जेल एकपटक पुग्नैपर्ने धोको हो ग्रयाण्ड क्यानियन

चुलिन विर्सिएका पहाडहरुको

अचम्मको पोको हो ग्रयाण्ड क्यानियन ।

(नर्थ क्यारोलाइना नेपाली साहित्य समाज)

लेखकका अन्य रचना पढ्न यहाँ क्लिक गर्नुहोस ।