14 वर्ष देखी निरन्तर
समकालीन साहित्य

गजल

गजल श्रवणकुमार ढुंगाना August 28, 2017, 2:32 am
श्रवणकुमार ढुंगाना
श्रवणकुमार ढुंगाना

कृष्ण दुष्शासनबाट लज्जाको पाठ पढ्दैछ ।

लाग्छ यो मेरो जीवन भर्खरै हुर्कंदै बढ्दैछ ।

यै बाटो बुद्धको, यै बाटो युद्धको हिंड्नु छ,

थाहा छैन मान्छेको मन कता किन घट्दैछ ।

कि त प्रेम पत्नी-प्रणय रे, कि त प्रेम प्राप्ति रे

मान्छे-मान्छे जोड्ने प्रेमको आश किन मर्दैछ ।

इमान यहाँ अनसनमा, त्याग कृत्रिम बायुमा !

दुष्ट, पाखण्ड, निर्लज्ज व्यासमा प्रवचन गर्दैछ ।

टुंटेको छ त्यो पहाड पनि भित्र भित्रै खोक्रिएर

हिजो उ शिरमा थियो, आज आँखाबाट झर्दैछ ।

फूल सुकेर बाग त्यो काँडाको बार बनेको छ,

तैपनि यो मेरो हात मित्रको पर्खाल चढ्दैछ ।

लेखकका अन्य रचना पढ्न यहाँ क्लिक गर्नुहोस ।