19 वर्षदेखि निरन्तर
समकालीन साहित्य
समकालीन साहित्य
तिम्रो आफ्नै भाउ छ, मेरो आफ्नै भाउ छ,
नचलाउ भो भित्र कतै, दुख्ने गहिरो घाउ छ ।
शहर होला, शहर जस्तै रहर होला,
तिम्रो भन्दा भिन्दै, मेरो निर्जन गाउँ छ ।
बिर्सिएका कति पात्र बिर्सिएरै जान्छन,
कोही भने घरीघरी मनमन्दिरमा आउँछ ।
शान आफ्नो, निशान आफ्नो, परेशान आफ्नै,
दुनियामा के भन्नु खै, सबको आफ्नै दाउ छ ।
आफ्नै रंग, आफ्नै ढंग आफ्नो अनुहारको
नथपिदेउ कुनै रंग, मेरो आफ्नै नाउँ छ ।