14 वर्ष देखी निरन्तर
समकालीन साहित्य

मलाई मान्छे जस्तै भएर बाँच्न देऊ

कविता निलकमल छेत्री May 18, 2018, 1:17 am
निलकमल छेत्री
निलकमल छेत्री

निस्वार्थ संसारमा सवर्थको पाठ न पढाऊ मलाई

खुशीको संसारमा दुःखको सारंगी रेटेर न सुनाउ मलाई

मलाई मान्छे जस्तै भएर बाँच्न देऊ||

जनमिएको मात्र छु , तेरो र मेरो भन्न् नसिकाउ मलाई

दुधे बालखमै आफनो र अर्काको भाग छुटयाउन न सिकाउ मलाई

मलाई मान्छे जस्तै भएर बाँच्न देऊ||

भर्खर पाइला मात्र सार्न थालेको छु

त्यो आफनो आगन त्यो अर्काको भनि सिमाना लगाउन बाध्य न बनाउ मलाई

मलाई मान्छे जस्तै भएर बाँच्न देऊ ||

स्कूल जानथालेको छु, अर्थात् ज्ञान प्राप्त गर्न

त्यो संग न हिङ यो संग न हिड भनेर भेद भावको अन्तर गर्ने न बनाऊ मलाई

मलाई मान्छे जस्तै भएर बाँच्न देऊ ||

यथार्थ जीवनको परिभाषा जान्ने प्रयासमा छु

संसारिक माया मोहमा न अल्झाउ मलाई

मानव धर्म के हो भुझ्न खोज्दैछु सर्वथको बजारमा सजाउने कोशिस न गर मलाई

मलाई मान्छे जस्तै भएर बाँच्न देऊ ||

गान्तोक, पुर्व सिक्किम ,भारत

लेखकका अन्य रचना पढ्न यहाँ क्लिक गर्नुहोस ।