14 वर्ष देखी निरन्तर
समकालीन साहित्य

हिप्नाेटिजमका झ्याम्टा

कविता डा. विदुर चालिसे May 18, 2018, 2:03 am
डा. विदुर चालिसे
डा. विदुर चालिसे

काम गर्ने तिनीहरू थिएनन्

थिए गाैरवशाली इतिहासकाे,

मन्दिरका घण्टका ध्वनिहरूमा

रन्किरहने गुन्गुनाइका अाहालले

घनत्वका पावन धामका स्वरहरू !

स्पष्ट अनि ठाँटका मानिसहरू

निर्भीक भएर अाैंला ठड्याइरहेथे

पुराना पवित्र मर्यादाका अाशनबीच

हिप्नाेटिजमका झ्याम्टाहरू सँग

लुटपुटिदै दिवारका राता सिंदूरछेउ !

राज्यका उपेक्षाहरू

मानिसका अपेक्षाहरू

भन्भनाइरहन्थे भँवरा झैं

अभावका सिंडीहरूले सजिएर

कालान्तरदेखि कालान्तरसम्म

अन्धताकाे दरारहरू छेउछाउ !

अाशामुखीहरूकाे काँधमा

बजिरहन्थ्याे अाजकल पनि

तिनै हिप्नाेटिजमका झ्याम्टाहरू

घरिघरि दुर्दशाहरू खपेर अन्तिमा !

अावाजहरू बेप्रवाह थिए दवावका

छेकिरहेथे एकनासले झ्याम्टाहरू !

स्वचालित तालमा झ्याम्म झ्याम्म,

सलेदाेका पीडासँग रमाउँदै रातमा

जादूगरका समयहरू तरफ

हेरिरहेथेँ मेराे जीवनकाे लिला

मानिसहरू भाेगिरहेथे छटपट

ठाेकिरहेथे वेदनाकाे किला !

सहर अनि गाउँका जुलुसहरू

मागिरहेथे गाँस पनि कपास पनि

स्वाद चाटिरहेथ्याे तालुका पसिना

काेलाहलका मरूभूमिमा हराएका

उजाड बालुवाका स्वादिष्ट मनलाई !

उता पनि हिप्नाेटिजम थ्याे ज्यालाकाे

यता पनि हिप्नाेटिजम थ्याे ज्वालाकाे

शासकहरू बजाइदिन्थे झ्याम्टाका धुन

ज्यावल बनाइदिन्थे मानिसहरूलाई !

झ्याम्टा ! मसँगै दुखद भइदिन्थ्याे

उनीहरूका प्रत्येक पाइलामा सुखद !

प्रत्येक विहान बच्चाहरू बजाइरहेथे

प्रत्येक साँझ कच्चाहरू बर्बराइरहेथे

हिप्नाेटिजमले सजिएर झ्याम्टाहरूमा !

पुरानाे बाेतलका नयाँ पानीहरू

छचल्किरहेथे उष्मिलाे घामसँग

अाखिर पानी पानी नै थियाे त्यहाँ

तरल, तरल अनि तरल भएर जमेका,

पानीजस्तै हिप्नाेटिजमका धुनहरू !

अाज पनि महाजनकाे उर्दि छ है अाउनु रे !

लेखकका अन्य रचना पढ्न यहाँ क्लिक गर्नुहोस ।