14 वर्ष देखी निरन्तर
समकालीन साहित्य

ओ ३५ डिग्री

कविता गोपाल झापाली June 29, 2018, 2:10 am
गोपाल झापाली
गोपाल झापाली

ओ ३५ डिग्री,

तिमि मेरो गाउँ पुगेछौ

सडक तताएछौं,

बटुवाका छाला पिल्स्याएछौं

खोलाको पानी पनि उम्लियो रे

खोलामै माछाका भुरा भुटेछौ

तिमि मेरो गाउँ पुगेछौ ।

फेसवुकको भित्तो हेरि नसक्नु छ

तातो बढेको फोटा आईफोनबाट भरिएको छ

माली गाईको मोहि काँहि देख्दिन

बजारे ठण्डाका बोतलको चुस्कि ओठ ओठमा छ

सक्नेले एसी जोड्दैछन रे,

नसक्नेले सिलिङ् र टेबल फेन खोज्दैछन् रे

ओ ३५ डिग्री,

तिमि मेरो गाउँ पुगेछौ

दुनियालाई तताएछौ ।

ओ ३५ डिग्री,

भन्दिनु तिम्रा आईफोन, ठण्डा, एसी र फेनको पैसा

३५ मा होईन ४५ डिग्रीमा म उधिनी रहेको छु

आमाको साडी फेर्न खाडीमा हर दिन भुटिई रहेको छु

मेरा आफन्तलाई फेसबुकमा खुई खुई पार्ने ३५ डिग्री

म खाँदा र सुत्दा पनि भेट्दिन, ४० मै चित्त बुझाउँछु

तीन दिनमा मेरा आफन्त सिद्रा भएको ठान्दैछन्

म सिद्रा होईन भुङ्ग्राको टुकुना भएर वर्ष बिताउँछु

मरुभुमीको रुखो बालुवा जस्तो होईन,

तुलसीको मठको जस्तो ममिलो मुस्कानको फोटो म्यासेन्जसरमा पठाउँछु

थाह नपाउन् ३५ डिग्रीमा रहेका मेरा आफन्तले

म ४५ मा छु भनेर, त्यसैले त ओठभरि हाँसो पठाउन

मुटु भरि गाँठो बेस्कन कस्छु ।

ओ ३५ डिग्री,

तिमि त पुगेछौ, मेरो यहि खवर पु¥याई दिनु ल ।

लेखकका अन्य रचना पढ्न यहाँ क्लिक गर्नुहोस ।