14 वर्ष देखी निरन्तर
समकालीन साहित्य

समय भयो

कविता जे एन दाहाल July 13, 2018, 1:26 am
जे एन दाहाल
जे एन दाहाल

आजको यो शुभ विहानी

म पुर्वमा उदाएको छु

केही घण्टा, केही मिनेट र

सेकेण्ड भरको लागी

भैरे नपर्खनु मेरो उज्यालो

तेरो अँध्यारो कोठामा लौजान

टल्काउनु तेरो कालो भित्तो उज्यालोले

तर नदेखाउनु यो दुनियाँलाई !

तेरो घर उज्यालीएको

देख्ने दुनियाँलाई चाह छैन

तेरो कोठा चम्कीएको

हेर्ने उनीहरुलाई रहर छैन

त्यसैले अरुको कुरा नसुन्नु

भैरे यो उज्यालो हातमा परेको

समयमै तेरो चुलो, कोठा र क्लजेटमा

पुर्याउन सक्नु पर्छ

समय निक्कै बढी रेहेको छ

तँ मात्र ढीलाई गरी रहेको छस्

भैरे म बताउँदै छु..

पछी तितो पछुतो हुनु अगावै

खोल एकमुष्ट बाँधेका हातहरु

यो दिप समयमै भित्र्याउनु पर्छ

भैरे समयमै .. !

पेन्सीलभेनियाँ, अमेरीका

लेखकका अन्य रचना पढ्न यहाँ क्लिक गर्नुहोस ।