सुकुम्बासी

कविता बैद्यनाथ उपाध्याय April 11, 2019, 10:30 am

---

न मेरो कहीं वास

न कहीं ठेगाना।

सजिलो, अप्ठ्यारो को

के कुरो

जबकि

हिंडनु नै जीवन हो!

मेरै स्पन्दनले सजीव छ

पहाड-पर्वत, खोला र नाला

टक् टक् टक् टक्

धडकीरहेछ समय

मेरै मुटूभित्र

लगाईरहेछ हिसाब

जीवनको खेल सकिंदै गएको !

यो यायावरी मा

लगाइयो होला

कहाँ कहाँ वास

लगाइए होला कति आस

सजाइए होला

सपनाका कयौं रंगमहल

बिलाए सब शीत सरी

जीवन

सँधैको शुकुम्बासी

न कहीं स्थायी निवास

न कहीं ठेगाना !

लेखकका अन्य रचना पढ्न यहाँ क्लिक गर्नुहोस ।