विपत्ति

कविता बैद्यनाथ उपाध्याय July 21, 2019, 2:14 pm

बैद्यनाथ उपाध्याय
बैद्यनाथ उपाध्याय
विपत्ति पनि पर्खेर बसेको हुन्छ

मान्छेलाई

बाटो घाटो र अस्पताल का बेडहरूमा

मान्छे

भित्र भित्रै कत्ति असहाय

एक्लो हुन्छ।

आफ्नो सामर्थ्य देखि पर

सबैथोक घटिरहेको हुन्छ।

हामी केवल आफ्नो र परको

धर्को कोरेर

रूने र हाँस्ने

अभिनय गरिरहेका हुन्छौं।

आखिर मान्छे पनि

धेरै घटना र परिघटनाको

एक सग्लो रूप न हो

उ के गर्न सक्छ

हामी केवल केही गरिरहेको

स्वाँग मात्रै रचिरहेका हुन्छौं।

असम, भारत

लेखकका अन्य रचना पढ्न यहाँ क्लिक गर्नुहोस ।