समयले लेख्ने छ इतिहास

कविता बैद्यनाथ उपाध्याय September 10, 2019, 9:02 pm

बैद्यनाथ उपाध्याय
बैद्यनाथ उपाध्याय
तिमी आफैंलाई

विशिष्ट भाषासेवी भन्न रूचाउँछौ

नेपाली भाषाको विशिष्ट लेखक कहलाउँछौ

आफैंलाई समाज सेवक भनि ठान्छौ।

तिम्रो भाषा सेवा

केवल तिम्रो बोलिमा मात्रै सीमित छ

तिम्रा लेखहरूमा कुनै दर्शन भेटिदैंन

समाज सेवा त तिम्रो

भाषणबाजी मै संकुचित छ।

भाषालाई त तिमीले

आफ्नो घरबाट निष्कासित नै गरिदियौ

तिमीले आफ्नो घरमा न त

पत्र पत्रिकाहरूलाई नै कुनै स्थान दियौ

न त संतान संततिहरूलाई

भाषा पढन नै लगायौ

साहित्यको नाउँमा तिमीले जथाभावी कोरेका

काला अक्षरहरू मात्रै भेटिन्छन

न साहित्य पढने, चर्चा गर्ने

तिम्रो कुनै आदत नै छ

छ त केवल अरूको कुत्सा रटने

चिराचरित तिम्रो बानी।

तै पनि तिमी

समाजमा अति विशिष्ट कहलिन्छौ

भाषा प्रतिको तिम्रो प्रेम

अब चौकी र पदमा मात्रै देखिदैंछ।

समयले लेख्ने छ

त्यस्को पनि इतिहास

बदल्नेछ तिम्रो विशिष्टताको परिभाषा।

लेखकका अन्य रचना पढ्न यहाँ क्लिक गर्नुहोस ।