14 वर्ष देखी निरन्तर
समकालीन साहित्य

गजल

गजल डा. बच्चु कैलाश कैनी November 8, 2019, 4:31 pm
डा. बच्चु कैलाश कैनी
डा. बच्चु कैलाश कैनी

धेरै माया दिएँ तिमीलाई किन तर्केको होला

मेरो बोलि सुन्दा पनि किन झर्केको होला ।

सजाउँछु भन्थे सधैं तिमीलाई मेरो मुटू भित्र

बाटो मोडी मलाई छोडी किन फर्केको होला ।

सोचेको थिएँ तिम्रो साथ जीवन भर रहनेछ

यो दुखेको घाऊमा नुन किन छर्केको होला ।

सबै भन्थे मलाई माया अमर र अजर हुन्छ

मायाको यो फ्रेम छिट्टै किन चर्केको होला ।

मायाको नाम लिंदा मुटु किन थर्केको होला

मेरो जीवनमा मात्रै झरी किन दर्केको होला ।

डार्टफोर्ड, बेलायत ।

लेखकका अन्य रचना पढ्न यहाँ क्लिक गर्नुहोस ।