14 वर्ष देखी निरन्तर
समकालीन साहित्य

गजल

गजल डा. बच्चु कैलाश कैनी December 18, 2019, 5:57 pm
डा. बच्चु कैलाश कैनी
डा. बच्चु कैलाश कैनी

यहाँ फलामको सामर्थ्य फलामले गाल्ने हो

जस्तो परिस्थिती आउँछ उस्तै कदम चाल्ने हो ।

सबैको सोचे अनुसार मात्रै सधैं कहाँ हुन्छ र ?

जे होस् मनमा सधैं सकारात्मक सोच पाल्ने हो ।

निराशाले तनाव दिन्छ सबको जीवन हुन्छ बर्वाद

सुन्दर भविष्य बनाउन आशाको बत्ति बाल्ने हो ।

बिचरा भन्नेहरु कालो दिन पर्खेर बस्छन यहाँ

बैरीको मुख आफ्नै काम र नामले टाल्ने हो ।

मेरो बाटोमा आउने सबै अवरोध फाल्ने हो

रीस राग गर्ने र द्वेष पाल्ने सबैलाई ढाल्ने हो ।

लेखकका अन्य रचना पढ्न यहाँ क्लिक गर्नुहोस ।