गजल

गजल भाष्कर काजी March 25, 2020, 1:40 pm

---

रोटी सानो पाक्छ कि ठूलो हेरिरहन्छ

छोरो भान्साको चुलो हेरिरहन्छ ।

मिस कल आइरहन्छ बेहुलीलाई

छेउमै बसेर बेहुलो हेरिरहन्छ ।

अर्कोतिरबाट निस्किसक्यो मुसो

बिरालो अगाडिबाट दुलो हेरिरहन्छ।

कता पुग्यो-पुग्यो गाडी थाहा छैन

बरा ट्राफिक धुवाँ धुलो हेरिरहन्छ।

टोलाईरहन्छ किसान खेतको डिलमा

घरि आकाश घरि कुलो हेरिरहन्छ ।

रुँघा - ७, रुकुम

लेखकका अन्य रचना पढ्न यहाँ क्लिक गर्नुहोस ।