14 वर्ष देखी निरन्तर
समकालीन साहित्य

मान्छेको भविष्य

कविता बैद्यनाथ उपाध्याय April 29, 2020, 8:23 pm
बैद्यनाथ उपाध्याय
बैद्यनाथ उपाध्याय

दिन रात

भ्याइ नभ्याइ व्यस्त रहने

दुनियाका वैभवशाली

शहरहरू पनि

अहिले एकान्तमा

सुस्ताई रहेकाछन।

यस बेला

त्रस्तमान विश्व

कोरोनाको सूतक बारिरहेको छ

हामी स्तब्ध छौं

एकाएक

कस्तो कोल्टे फेऱ्यो

यो समयले...

धराशायी छ

मान्छेले रचाएका

सुख- सुविधा र साधनहरू

व्यक्ति व्यक्ति देखि

टाढिनु पर्ने

'सोसल डिस्टिंसन' को

कस्तो जमाना आयो।

मान्छेको सोच विचारहरू

सबै क्वारान्टाइनमा बसेको

यो विकट घडीमा

शोक स्तब्ध

अन्तर्मुखी भएको छ

मान्छेको भविष्य !

असम

लेखकका अन्य रचना पढ्न यहाँ क्लिक गर्नुहोस ।