14 वर्ष देखी निरन्तर
समकालीन साहित्य

गजल

गजल प्रज्ञा ढुंगाना May 12, 2020, 11:59 pm

पत्थरलाई देवता हुन भन्यौ चित्त बुझेन |

अरु पित्तल आफु सुन भन्यौ चित्त बुझेन ||

उज्यालोको आशनै थिएन बन्द आँखाहरुलाई

औशीमा पनि आउछ जून भन्यौ चित्त बुझेन |

उसका लागि त समान थिए देवीजस्तै ती नारीहरु

आमा र श्रीमतीमा एक चुन भन्यौ चित्त बुझेन |

गड्गडाउदै बादलले स्वार्थ बर्साउछ बेलाबखत

बेमौसमी झरीलाई मनसुन भन्यौ चित्त बुझेन |

पक्षपातीहरुले तराजु के ढल्काईदिएथे तिमीतिर

भाई लडाउने खेल गुन भन्यौ चित्त बुझेन |

सिनोको लागि राजनीति गर्छन गिद्धहरु अचेल

महान आदर्श नायक हुन भन्यौ चित्त बुझेन |

भोकप्यास दुख त सहेकै थिए ती मजदूरहरुले

आफ्नै घर फर्किन नि कानुन भन्यौ चित्त बुझेन |

लेखकका अन्य रचना पढ्न यहाँ क्लिक गर्नुहोस ।