14 वर्ष देखी निरन्तर
समकालीन साहित्य

आँखा

कविता अलका मल्ल May 21, 2020, 12:51 pm

आँखामा लाग्ने आँखाको नशा

आँखानै अन्जान भइदिने ।

आँखाले खेल्ने आँखाकै कथा

आँखाहरुलेनै अल्झाइ दिने ।।

थुप्रै आँखीहरुको हेराइमा

एउटा आँखा चंचल भएछी ।

अनेकौं आँखीहरु उन्मादमा

मात्तिएर लडबडाएपछि ।।

भन्छन् जे अड्कल काट्छ

आँखालेनै खोजी गर्छ सत्य ।

आँखाको हेर्ने भावमा देखिन्छ

जे बोल्न खोज्छ सब तत्थ्य ।।

स्वछन्दता अन्वेषण गर्छ संधै

गगन चुम्बी छन्दबन्द आँखा ।

माधुर्यताको बोध गराउँदै

मन माफिकको शितल आँखा ।।

दिन चर्या नियाल्दै रुङ्ने

सत्यतथ्य छुट्टाउने आँखा ।

सदा सुनियोजित मौजुद हुने

चतुराइ गर्छन् सब आँखा ।।

कहिले चिराक हुने आँखा

कहिले भइदिने शान्तिवादी ।

सफलताको प्रतीक आँखा

साहसका मनोरम अनुकृति ।।

काठमाडौं

लेखकका अन्य रचना पढ्न यहाँ क्लिक गर्नुहोस ।