14 वर्ष देखी निरन्तर
समकालीन साहित्य

जीवन

कविता लीला अधिकारी May 21, 2020, 12:59 pm

मृत्यु सामु देखा पर्दा जो कोही पनि भाग्दछ

होचो पर्खाल देखेमा नाघ्न नै अघि सर्दछ ।

नदेखिने झट्ट हेर्दा चरित्र र स्वभाव हुन्

श्रम र कर्म बाट नै यी सधैं फुल्ने गर्दछन् ।

मेटिदैन कसैबाट प्रकृति विधि पद्धति

कडा चट्टान फोरेर बढ्छ त्यो सृष्टिको गति ।

ॲांखा चिम्ली थाहा हुन्न सबै संसारको गति

यात्रारत बने मात्र जानिन्छ सबको मति ।

कोपिला तब फक्रन्छ वासना जब झुल्दछ

आफु सीमा भित्रै बसी प्रकृति रुप फेर्दछ ।

बिर्तामोड ३ झापा

लेखकका अन्य रचना पढ्न यहाँ क्लिक गर्नुहोस ।