18 वर्षदेखि निरन्तर
समकालीन साहित्य
समकालीन साहित्य
सुस्त सुस्त चकमन्न हुँदै जान्छ राति
अनायासै दुख्न थाल्छ देब्रे पाटो छाती
याद आउँछ गाउँ घरको खर्क रनबन
साथीभाइ हाटबजार निर्दोष बालापन
काफल गेडी ऐँसेलु र कटुस खोजी खाको
गुराँसको फूल साटी चोखो प्रीति लाको
ताजै लाग्छ देउरालीमा चढाएको पाती
अनायासै दुख्न थाल्छ देब्रेपाटो छाती ।
ढल्यो कि त अझै होला चौतारीको बर ?
मलाई बाटो कुर्दो होला अझै जन्मघर ।
जन्म कहाँ अहिले यहाँ मरण होला कहाँ ?
गाँठो परि बल्झ्यो याद जन्मेँ हुर्केँ जहाँ ।
आँखाभरी आँसु थपी बाल्छु मनमा बाती
अनायासै दुख्न थाल्छ देब्रेपाटो छाती ।
भोजपुर, हाल काठमाडौ